Back تييري بوتسين Arabic تييرى بوتسين ARZ Тиери Бутсен Bulgarian Thierry Boutsen Catalan Thierry Boutsen Czech Thierry Boutsen German Τιερί Μπουτσέν Greek Thierry Boutsen English Thierry Boutsen Spanish تیری بوتسن Persian
Thierry Boutsen (gebore 13 Julie 1957 in Brussel) is 'n voormalige Belgiese renjaer. Van Formule 3 en Formule 2 het hy in 1983 na Formule Een gevorder. Hy het sy buiging met die Arrows-span gemaak in die Belgiese Grand Prix, waarin hy uitgeval het weens tegniese probleme. Hy het in sy Formule Een-loopbaan vir die Arrows-, Benetton-, Williams-, Ligier- en Jordan-spanne gejaag. Hy het in 1989 saam met Williams in Kanada en Australië gewen, elke keer in gietende reën. In 1990 het hy sy derde en laaste oorwinning in Hongarye behaal waar hy daarin geslaag het om die voortou van begin tot einde te behou.
Benewens Formule 1 het hy ook verskeie kere deelgeneem aan uithouvermoëkompetisies soos die 24-uur van Le Mans, vir onder meer Porsche en Toyota. Dit was as gevolg van 'n ernstige ongeluk tydens hierdie laaste wedren dat hy sy loopbaan gestaak het. Gedurende sy wedrenjare het hy sy vlieënierslisensie verwerf en vir hom 'n private straler gekoop. Hy het later hierdie nuwe passie in sy beroep verander deur 'n vliegtuigverkoopmaatskappy in sy tuisstad Monaco te begin.[1]